كيف نتقبل الشخص المدمن ؟
وحدة من اكتر المشاكل اللي بتواجه الشخص المدمن هو ان يتم تقبله من اهله واصحابه والمجتمع كامل , وهالشي بعود لعدم فهمنا الكامل للادمان وعدم استيعاب أنه الادمان مرض زي كل الامراض اللي موجودة , وتقبلنا لوجوده بخلي المدمن يخطو خطوة كبيرة جدا تجاه التعافي .
عشان نقدر نتقبل الادمان لازم نعرف شو جذوره , شو الاسباب اللي خلت الشخص يدمن على مادة معينة وما يقدر يتحكم بنفسه .
الدراسات اغلبها وجدت انو الادمان سببه الاساسي هو تعرض الشخص لصدمة كبيرة في حياته , وفي وقتها وجد انو تعاطي مادة معينة اعطاه الهروب المؤقت من التفكير المفرط بالمشكلة اللي بمر فيها . لهيك عشان نعالج الادمان اول خطوة هي انو نساعد هالشخص انو يتعافى من اثار الصدمة ونلاقيله حلول وطرق تخفف عنه .
غالبا ما تكون هالصدمات تعرض لها الشخص في طفولته , لذا حلها يحتاج الكثير من الوقت والكثير من الجهد . حاليا وجد الاخصائيون النفسيون العديد من الطرق اللي ممكن تساعد الشخص انو يتعافى بحلول الوقت من الصدمة اللي مر فيها وبنفس الوقت نخلصه من الادمان .
الصدمات النفسية بتأثر على إحساس الفرد بهويته وبالشخصية والكرامة وبتشعره بأنه أقل اكتمالاً وأقل إنسانية وتؤثر على الإحساس الروحاني .وتعتبر الصدمة تجربة تتميز بتضارب مشاعرمن الخوف واليأس الناجمة عن العوامل البشرية أو غير البشرية مثل الكوارث الطبيعية، وتتسبب في الإضرار بقدرة هالشخص على الثقة بنفسه وزيادة الحذر وقلة الدافعية والحماس، وبعد وقت يتطور هالشخص من حالة المصدوم نفسياً عدم القدرة على التحكم بالنفس، وتصدر منه تصرفات كرد فعل متهور أو متردد، وتشويش في الإحساس بالوقت، والتوقيت المناسب. كما تؤثر الصدمة النفسية على المعتقدات والإحساس ، والقدرة على الثقة بالنفس وبالآخرين ، وعلى تصور المصدوم للعالم من حوله، وعلى الإحساس ومدى القدرة على إطلاق أو تقييد العاطفة
فلك ان تتخيل كمية المعاناة عند الشخص المصدوم واللي بتدفعه بأنه يجد أي طريقة تبعده عن هالشعور ولو كان مؤقت ,, وأسرع وأقصر طريق للخروج من هالحالة هي تعاطي مادة مخدرة بتزيد من الدوبامين عنده وبتعطيه شعور الراحة المزيفة والانفصال عن العالم لمدة قد لا تكون طويلة .
مع الوقت جسم هالشخص بصير بحاجة دائمة للمادة المخدرة وما بقدر يتركها ومن هون بندخل بطريق الادمان .
لذا فان الإدمان ليس فساد في الاخلاق ولا اضطراب في الشخصية ولا بعد عن الدين , انما هو ردة فعل لمعاناة يمر فيها هذا الشخص , وحتى نقدر نساعده ونقدمله الدعم حتى يخلص من هذا الادمان علينا تقبله ومساعدته لتخطي هذه المحنة .